iPhone 18 Pro Қазақстанда неге 60%-ға қымбат?

Отандық Sulpak және Technodom сияқты ірі дүкендерде базалық iPhone 18 Pro (256 ГБ) бағасы 850 мың теңгеден басталса, Pro Max 910 мың теңгеге жуықтайды, ал 2 ТБ флагмандық нұсқалары тіпті 1,77 млн теңгеден бірақ асады. Тұтынушылардың наразылығын тудырған басты жайт — бұл цифрлардың АҚШ-тағы ресми бағадан тура 57-59%-ға қымбат болуы.

АҚШ, Еуропа және Қазақстан: Баға айырмашылығы қанша?

АҚШ-та базалық iPhone 18 Pro — 535 мың теңге, ал Pro Max — 580 мың теңге тұрады. Сонда Қазақстандағы ресми баға АҚШ-пен салыстырғанда тура 315–330 мың теңгеге қымбат.
Тіпті бағасына 21% қосылған құн салығы бірақ енгізілген Еуропа елдерімен салыстырғанның өзінде айырмашылық бірден байқалады

Испанияда: iPhone 18 Pro — ~753 000 ₸, Pro Max — ~829 000 ₸
Қазақстанда: Баға Еуропадағы салық қосылған көрсеткіштен де 10–13%-ға жоғары

Ресми дистрибьюторлар бұл айырмашылықты логистика, кедендік баж салығы, кепілдік қызмет көрсету мен сертификаттау шығындарымен түсіндіреді.

Шетелден алдыртатындарға ескерту

Смартфоныңыз бұғатталып қалуы мүмкін!
Осы баға айырмашылығын көріп, смартфонды АҚШ-тан немесе Дубайдан арзанға алдыртып, 300 мың теңге үнемдегісі келетіндерді өте үлкен заңдық тосқауыл күтіп тұр.

Енді елге жеке әкелінген телефонға қазақстандық SIM-картаны сала салу жеткіліксіз, себебі құрылғының IMEI-коды міндетті түрде ресми верификациядан өтуі тиіс.

Ресми импортерлер (Sulpak, Technodom): Бұл тіркеуді кеденнен өткізгенде өздері заңды түрде реттеп береді.
Жеке алып келген азаматтар: Құрылғының елге заңды кіргенін, кедендік декларациясы мен чегін өздері дәлелдеуге мәжбүр болады.

Егер IMEI-код арнайы базада тексерістен (верификациядан) өтпесе, смартфон Қазақстанның ұялы байланыс желілеріне мүлдем қосылмай, бұғатталып қалады.

Қорытындылай келе  300 мың теңге үнемдеймін деп шетелден тапсырыс бергендер елде қоңырау шала алмайтын, тек Wi-Fi арқылы жұмыс істейтін «қымбат ойыншық» ұстап қалу қаупі өте жоғары.