Қазақстанда кімдер ең жоғары жалақы сұрап отыр?

2026 жылдың наурыз айында Қазақстанның еңбек нарығында ерекше дисбаланс байқалды: жұмыс берушілер ұсынған ең жоғары жалақы 1,4 млн теңге болса, жұмыс іздеушілер үш есе жоғары — 4,2 млн теңгеге жеткен, деп хабарлайдф turkistanlife.kz

Министрлік мәліметінше, жұмыс берушілер мен үміткерлердің қаржылық күтімі арасында алшақтық бар. Наурыз айының қорытындысы бойынша «ең қымбат» мамандардың тізімі төмендегідей:

Заң бөлімі бастығының орынбасарлары — 1,4 млн теңге;

БҚ архитекторлары — 1,38 млн теңге;

Өндіруші саладағы өндіріс бастықтары — 1,14 млн теңге.

Жұмыс іздеушілердің ең жоғары сұраныстары:

HR бизнес-серіктестер — 4,2 млн теңге;

Каротажшылар (ұңғыма мамандары) — 3 млн теңге;

Өнеркәсіптегі зертхана бастықтары — 2,5 млн теңге.

2026 жылдың басынан бері Enbek.kz платформасында 304 мыңнан астам бос жұмыс орны жарияланды. Наурызда жұмыс берушілердің белсенділігі 3,7%-ға артса, керісінше, жұмыс іздеушілердің түйіндеме жариялау белсенділігі 14,3%-ға төмендегені байқалады.

Сұраныс жоғары салалар:

Білім беру: 22,6 мың бос орын.

Қызмет көрсету секторы: 21,2 мың бос орын.

Денсаулық сақтау: 8,7 мың бос орын.

Географиялық тұрғыдан бос жұмыс орындарының ең көп саны Түркістан (7,7 мың) және Қарағанды (7,6 мың) облыстарында, сондай-ақ Астана (7,2 мың) қаласында шоғырланған.

Қазіргі таңда Қазақстанда жұмыс іздеп жүргендердің негізгі бөлігі — жастар. Түйіндеме иелерінің 42%-ы — 35 жасқа дейінгі азаматтар. Сондай-ақ, нарықта әйелдер қауымы (54%) ерлерге (46%) қарағанда белсендірек. Біліктілік тұрғысынан алғанда, жұмыс берушілердің 40%-ы орта деңгейлі мамандарды іздейді.

Қазақстанның еңбек нарығы жоғары білікті кадрларға, әсіресе өндіріс пен IT саласында, зәру. Егер сіз өз біліктілігіңізді арттыруды немесе жаңа салаға ауысуды жоспарласаңыз, қазіргі трендтерді ескеру маңызды.