Көліктегі міндетті заттар: жоқ болса — қалтаң қағылады
Қазақстанда жолдағы тексеріс күшейді. Енді көлікте бір зат жетіспесе — айыппұл дайын.
Тәртіп сақшылары мен заңгерлер 2026 жылы әрбір көлікте болуы тиіс міндетті заттар тізімін тағы бір мәрте еске салады.
1. Аптечка — формалдылық емес
Көліктегі дәрі қобдишасы толық болуы тиіс:
– сутегі асқын тотығы (3%)
– бинт, салфетка
– жгут
– лейкопластырь
– қолғап пен қайшы
Жоқ болса — айыппұл.
2. Жилет — міндетті болды
Енді жарық шағылыстыратын жилетсіз көліктен түсу — қауіпті ғана емес, заң бұзу.
Ең бастысы: оны багажникке емес, қолжетімді жерге қой.
3. Өртсөндіргіш — мерзімін тексер!
Жеңіл көлікке — кемі 2 литр.
Мерзімі өтіп кеткен болса — жоқпен тең.
4. Полиция багажникті аша ала ма?
Жайдан-жай — ЖОҚ.
Хаттама, куәгер немесе видеофиксация керек.
Бірақ талаптарды сақтамаған болсаң — айыппұлдан құтыла алмайсың.
Айыппұл қанша?
ҚР ӘҚБтК 590-бап, 5-бөлік:
5 АЕК = 21 625 теңге
Есіңізде болсын: Бұл жабдықтар инспектор үшін емес, ең алдымен сіздің қауіпсіздігіңіз үшін қажет!
