Түркістандық «Тұран» футбол клубы 1 миллион теңгеге сатылымға шықты
Түркістан облысының «Тұран» футбол клубы сатылымға шықты, деп хабарлайды turkistanlife.kz
фото кескін: sauda.e-qazyna.kz
Мемлекет теңгеріміндегі активтің бастапқы бағасы 1 миллион теңгеден сәл ғана асады. Электрондық сауда порталындағы аукцион 3 наурызға жоспарланған.
Жаңа иеленуші алдағы 10 жыл бойы клубтың бейінін сақтап, штат санын қысқартпауы тиіс. Сондай-ақ, инвестиция салу, жасөспірімдер академиясы мен әйелдер командасын құру, меншікті базамен қамтамасыз ету міндеттемелері қоса беріледі.
Шарт бойынша, 2027 жылдан бастап клуб Қазақстан Премьер-лигасында тұрақты өнер көрсетуі шарт. Клубты сенімгерлік басқаруға беруге немесе үшінші тұлғаға сатуға тыйым салынған.
Аукционға қатысу үшін үміткерлер 158 мың теңге көлемінде кепілдік жарна төлеуі қажет.
