Түркістанда инвестициялық жобаларды қолдау жөнінде меморандум жасалды

Түркістан облысында инвестициялық жобаларды дамыту және кәсіпкерлікті қолдау мақсатында маңызды меморандумға қол қойылды, деп хабарлайды turkistanlife.kz

Меморандум аясында Түркістан облысына келген кәсіпкерлер мен инвесторларға орталық толық кеңес беріп, бизнес жоспарларын жасап, жобаларды толық сүйемелдейді. Қажетті құжаттар жинау, дайындау сияқты кәсіпкерлердің барлық рәсімдері «TÚRKISTAN» кәсіпкерлерге қызмет көрсету орталығы арқылы жүзеге асырылады. Сонымен қатар жер учаскелері АЭА және ИА арқылы бөлініп, кәсіпкерлердің жобаларын жылдам іске асыруға мүмкіндік беріледі.

Бұл ынтымақтастық өңірдегі кәсіпкерлік ортаны дамытуға, инвестициялық ахуалды жақсартуға және жаңа жұмыс орындарын құруға елеулі үлес қосады деп күтілуде.