Әр гектардан 13 тонна өнім: Ордабасылық шаруалар қалай рекорд орнатты?
Ордабасы ауданында ауыл шаруашылығы алқаптарында өнім жинау жұмыстары қарқынды жүргізілуде. Биыл шаруалар суармалы жерлердің мүмкіндігін тиімді пайдаланып, жүгері алқаптарының көлемін арттыруға басымдық берген.
Аудан бойынша биыл 8,3 мың гектарға жүгері егілді. Бұл бағытта сапалы тұқым сатып алу мен қайта өңдеуге өткізілетін өнімге берілетін мемлекеттік субсидиялардың маңызы зор.
«Қахар» шаруа қожалығының жетістігі
Мәселен, Қараспан ауылдық округіндегі «Қахар» шаруа қожалығы биыл 58 гектар суармалы жерге жүгері еккен. Қазіргі таңда мұнда өнім жинау жұмыстары қызу жүріп жатыр:
-
25 гектары – дәнге жиналды;
-
33 гектары – мал азығы үшін дайындалуда.
Шаруашылықтың алдын ала есебі бойынша, биыл әр гектардан 12-13 тоннаға дейін өнім алу жоспарланып отыр. Қазіргі таңда бұл шаруашылық 5 ауыл тұрғынын тұрақты жұмыспен қамтып келеді. Алдағы уақытта қожалық иесі егіс көлемін ұлғайтып, өндіріс ауқымын арттыруды көздеп отыр.
