ЖАС САРБАЗДАР ТАҢДАУЫ: «Ұлттық ұлан» сарбаздары саяси науқанға қатысты

Таңғы сағат 7:00-ден бастап сайлау учаскелері ашылып, дауыс беру процесі басталды. Ел қауіпсіздігін қамтамасыз етіп, Отан алдындағы борышын абыроймен атқарып жүрген «Ұлттық ұлан» сарбаздары да таң сәріден белсенділік танытып, азаматтық ұстанымын көрсетті.

Әйтеке би атындағы мектепте орналасқан сайлау учаскесіне барған 200-ге жуық жас сарбаз өз дауысын берді. Ел болашағы мен қоғамдық тұрақтылық үшін маңызды саяси науқанға жас сарбаздардың қатысуы – олардың жауапкершілігі мен ел тағдырына деген бейжай еместігінің дәлелі.