Түркістан облысының Ордабасы ауданында жеке бизнеспен айналысқысы келетіндер үшін нағыз қаржылай серпіліс басталды. Осы жылдың алғашқы алты айында «TURKISTAN» Кәсіпкерлерге қызмет көрсету орталығының қолдауымен жалпы құны 339 миллион теңгені құрайтын 40 бірдей ірі кәсіпкерлік жоба мақұлданып, қаржыландыруға жолдама алды.
Мамандардың көмегімен ауданда қысқа мерзім ішінде 74 бизнес-жоспар әзірленіп, жүздеген тұрғынға жеңілдетілген несие мен гранттар алу бойынша тегін кеңестер берілді. Бұдан бөлек, өз ісін ашқысы келетіндер үшін жер телімдерін рәсімдеу, құрылысқа рұқсат алу және инженерлік желілерге қосылу сияқты ең қиын әкімшілік кедергілер толықтай шешіліп жатыр.
Мемлекеттің мұндай ауқымды қолдауы алдағы уақытта да жалғасып, ауданда жаңадан миллионер кәсіпкерлердің көптеп шығуына жол ашпақ.
