Доллар бір айдағы ең төмен деңгейге түсті
АҚШ доллары Азия нарығында бір айдағы ең төмен деңгейге дейін әлсіреді.
Reuters мәліметінше, бұған АҚШ Президенті Дональд Трамптың Иранмен уақытша атысты тоқтату туралы келісімге келгені әсер етті. Осы жаңалықтан кейін инвесторлардың тәуекелге деген қызығушылығы артты, деп хабарлайды turkistanlife.kz
Нәтижесінде негізгі валюталар нығайды: жапон иенасы 0,8%-ға өсіп, 158,36 деңгейіне жетті, еуро 0,7%-ға қымбаттап, 1,1674 долларға дейін көтерілді. Фунт стерлинг 0,8%-ға өсіп, 1,34 доллар болды, ал австралиялық доллар 1,1%-ға нығайып, 0,7054 долларға жетті. Доллар индексі үшінші күн қатарынан төмендеп, 98,8 деңгейіне дейін түсті.
Криптовалюта нарығында да өсім байқалды: биткоин 2,9%-ға қымбаттап, 71 327 доллардан асты, ал эфир 5,6%-ға өсіп, 2 233 долларға жетті. Сарапшылардың айтуынша, алдағы уақытта нарықтағы жағдай орталық банктердің шешімдері мен геосаяси ахуалға байланысты өзгеруі мүмкін.
