Қазақстанда көктемгі егін науқанына 700 млрд теңге бөлінеді

Ауыл шаруашылығы министрі Айдарбек Сапаров Үкімет отырысында көктемгі егіс жұмыстарына дайындық барысы, жеңілдетілген несиелеу тетіктері және диқандарды ресурстармен қамтамасыз ету туралы баяндады, деп хабарлайды turkistanlife.kz

Қайта өңдеу кәсіпорындарының шикізат базасын қамтамасыз ету және баға ауытқуларының тәуекелдерін төмендету үшін осы жылы жалпы егіс алаңы шамамен 23,8 млн гектарды құрайды, бұл өткен жылмен салыстырғанда 180 мың гектарға көп.

Жоғары рентабельді дақылдарға басымдық беріледі. 2026 жылға арналған егіс құрылымы мынадай өзгерістерді көздейді:

Азықтық дақылдар: 242 мың гектарға көбейеді;
Арпа: 94 мың гектарға;
Жүгері: 90 мың гектарға (265 мың гектарға дейін жеткізу);
Майлы дақылдар: 55 мың гектарға;
Картоп: 10,3 мың гектарға;
Бидай: 125 мың гектарға қысқарады (12,1 млн га құрайды).