Гиннес рекордтар кітабына енген хакатон: Ясауи университетінің командасы үздік атанды

Астанада өткен «HackAlem AI 2026» халықаралық хакатонында Қожа Ахмет Ясауи атындағы Халықаралық қазақ-түрік университетінің YASAWI STARTUP резиденттері жеңіске жетті. Жерлестеріміз Communication (коммуникация) бағыты бойынша 1-орынды жеңіп алды.

Бұл IT-дода қатысушылар саны бойынша рекорд орнатып, ресми түрде Guinness World Records кітабына енді — жарыстың ресми есебіне 2 415 қатысушы тіркелген.  

Ауқымды жарыстың негізгі көрсеткіштері:

• Масштабы: Хакатонға барлығы 1 066 жоба қатысып, соның ішінен 60 команда финалға жолдама алған.  

• Жүлде қоры: Жалпы жүлде қоры 220 000 АҚШ долларын құрады.  

• Серіктестер: Ұйымдастырушылар қатарында ҚР Жасанды интеллект және цифрлық даму министрлігі, Astana Hub, сондай-ақ әлемдік OpenAI компаниясы бар.  

Үздік шыққан түркістандық құрама:

• Абдулханов Ислам — Инженерия факультетінің түлегі;  

• Сайдуллаева Рухшона — Экономика факультетінің студенті;  

• Әуезханова Дилара — Филология факультетінің студенті;  

• Команда жетекшісі: Тастанбеков Абылайхан.  

Бұл жеңіс — Түркістан жастарының жасанды интеллект пен заманауи технологиялар саласындағы жоғары әлеуетін тағы бір мәрте дәлелдеді!