Қазақстанда пияз, қант және алма арзандады

Қазақстанда бір апта ішінде бірнеше азық-түлік тауарының бағасы төмендеді. Әсіресе пияз, қант пен алма арзандаған. Бұл туралы Ұлттық статистика бюросы хабарлады.

2026 жылғы 7 қазандағы деректерге сәйкес, есепті аптада пияздың бағасы 4%-ға, қант 2,6%-ға, алма 1,8%-ға төмендеген. Сондай-ақ картоп 1%-ға, сәбіз 0,8%-ға, балық 0,3%-ға арзандады. Қаймақ, ет фаршы мен күріштің бағасы 0,2%-ға кеміді.

Ұн, нан, сүйексіз сиыр еті, қой еті және тауық етінің бағасы өзгеріссіз қалды.

Түркістанда азық-түлік бағасы төмендеді

Өңірлер арасында әлеуметтік маңызы бар азық-түлік тауарларының жалпы бағасы Атырауда 0,3%-ға, Түркістан мен Ақтауда 0,1%-ға төмендеген. Бірқатар басқа қалада баға өткен аптадағы деңгейде сақталған.

Азық-түліктің орташа бағасы қанша?

Ұлттық статистика бюросының мәліметінше, Қазақстан бойынша:

• Пияз — орташа 133 теңге/кг. Ең төмен баға Талдықорғанда — 108 теңге.
• Қант — орташа 435 теңге/кг. Ең төмен баға Ақтөбеде — 368 теңге.
• Алма — орташа 699 теңге/кг. Ең төмен баға Шымкентте — 494 теңге.
• Қияр — орташа 536 теңге/кг. Түркістанда — 346 теңге, Таразда — 414 теңге.

Бағалар 2026 жылғы 7 қазандағы жағдай бойынша берілген.