Президент Құрылтай депутаттарына қатаң тапсырма берді: не өзгереді?

Мемлекет басшысы Құрылтайдың атқарушы және сот билігін қалыптастыруға, стратегиялық маңызы бар мәселелерді шешуге қатысты аса ауқымды құзыреті бар екенін айрықша атап өтті.

Жиында Президент заң шығару үдерісінің сапасын арттыру, жаңа Конституция нормаларына сәйкес заңнаманы жетілдіру және «E-Parliament» ақпараттық жүйесін тезірек іске қосу қажеттігіне тоқталды. Сондай-ақ бірінші сессияда білім беру саласына жасанды интеллектіні енгізу, цифрлық активтер, «Алтын виза», көші-қон саясаты және кітапхана мен баспа ісіне қатысты заң жобаларын қарау тапсырылды. Бұдан бөлек, ерекше қажеттілігі бар балаларды жан-жақты қолдау, сондай-ақ жаңа мемлекеттік марапаттардың заңнамалық негізін қалыптастыру басты назарда болатыны айтылды.