Қандай жағдай болса да, Қазақстан өз азаматтарын ешқашан тағдыр тәлкегіне қалдырмайды — Президент

Мемлекет басшысы Қасым-Жомарт Тоқаев мәслихат депутаттарының форумында «кедергісіз дәліз» ұйымдастырғаны үшін Таяу Шығыс елдерінің басшыларына ризашылығын білдірді, деп хабарлайды turkistanlife.kz

Отандастарымызды эвакуациялауға көмек көрсеткен барша жанға, мемлекеттік органдар мен әуе компанияларының қызметкерлеріне алғыс айтты.

«Барша отандасымызға белгілі ақиқат бар: көк паспорт иелері әрқашан және кез келген жерде мемлекет қорғауында болады. Паспортымыздың қуаты мемлекетіміздің ықпалынан, халқымыздың жасампаз рухынан, заманның озық идеяларын игере алатын қабілетімізден көрінеді», — деді Президент жиында.